இந்தியாவின் முகவரி

காந்தி ஜெயந்தி கவிதைகள்

magizhchifm Oct 2, 2022 489 0

இந்தியாவின் முகவரி...

போர்பந்தரில் பிறந்து
நாட்டிற்காய் போராடிய
ஒப்பற்ற தலைமகன்
பார் முழுவதும் திரும்பி பார்க்க வைத்த
பாரதத்தாய் வணங்கும்
ஒப்பற்ற திருமகன்..

இந்தியாவின் முகவரியும்
எளிமையின் திருவுருவமும் நீ
விடுதலைக் கிழக்கை காட்டி
சுதந்திர வேட்கையை
உணர்வில் ஊட்டியவர்...

உண்மையின் இலக்கணம்
அகிம்சையின் பிறப்பிடம்
மனித ஆத்மாவாக தோன்றி
மகாத்மாவாக உயர்ந்தவர்...
ஆடையைக் குறைத்து
அகிம்சையை அணிந்தவர்...

ஆயுதத்தால் வெல்ல முடியாததை
அகிம்சையால் வென்று காட்டியவர்...
வெள்ளைப் பரங்கியரை
வெளியே ஓட்டியவர்
அரை நிர்வாணத்தால் வெளிச்சம் கூட்டியவர்..

இந்தியா எனும் அருமை ம(க்)களை
கைப்பிடித்து நல்வழி நடத்திச் செல்லும்
வல்லமை உடைய தந்தையவர்...
மண்ணிற்காக போராடி வாழ்ந்தவர்களிடம்
மரணமும் இங்கு தோற்றுதான் போகும்
மண்ணில் வாழும் காலம் வரை
மக்களிடத்தில் நின் புகழ் ஓங்கும்..

கோ. ஶ்ரீஆதேஷ்
கும்பகோணம்..