அறிஞர் அண்ணா அறிவுச் சுடர் விருது 64
magizhchifm
Sep 13, 2022
292
0
அறிஞர் அண்ணா என்னும் ஆகாயம்..
கண்ணியமான அரசியல் ஆளுமையாய்
காஞ்சிநகரில் உதித்த கதிரவனாம்
தமிழ்நாடென பெயரைச் சூட்டி
தமிழ்நாட்டிற்குத் தந்தையானவராம்!
முற்போக்கு முதல்வராய்
முத்தமிழை முன்னிறுத்தி
கடமை கண்ணியம் கட்டுப்பாடு
காத்து நின்ற உத்தமராம் !
தம்பிக்குக் கடிதங்கள்
தனித்தமிழில் தானுரைத்து
திரையுலகில் முத்திரை பதித்த
திராவிட இனத்தின் தலைவராம் !
பெரியாருக்குத் துணை நின்று
பெருஞ்சாதனைகள் பல படைத்து
சுயமரியாதை திருமணங்களை
சட்டத்தால் அங்கீகரித்தவராம் !
மும்மொழிக் கொள்கை விலக்கி
இருமொழிக் கொள்கையே இலக்காய்
அறிவுலக மேதையாய் ஆற்றலுடன்
அரசியலில் ஆளுமை செய்தவராம் !
பேச்சாற்றலுக்கும் எழுத்தாற்றலுக்கும்
இலக்கணங்கள் இயற்றியவராம்
மக்களாட்சி தந்த மனிதநேயரை
மண்ணுலகம் மதித்துப் போற்றுமே.... !
முனைவர் சி.முத்துமாலை
சென்னை.
Comments (0)