குடியரசு தினம் கவிதை

குடியரசு தினம்

15. 08 .1947 ல் சுதந்திரம் அடைந்த இந்தியாவில்,
24 .01 .1950 ல் தனி அரசியல் அமைப்பு சட்டம் இயற்றப்பட்டு,
 26.01.1950 ல் செயலாக்கம் கண்ட *குடியரசு தினம்!*

சமத்துவம் தொடர்ந்து
சம உரிமை நீடித்து
பாரதம் செழித்து 
மக்கள் வாழ்வு சிறக்கும் 
*குடியரசு தினம்!*

தாயை நேசிப்பது போல 
தாய் நாட்டை மூச்சாய் சுவாசித்து வந்தே மாதரம் எனும் முழங்கும் 
*குடியரசு தினம்!*

எத்தனை மதம் 
எத்தனை மொழி 
எத்தனை ஜாதி 
எத்தனை பிரிவுகள் இருந்தாலும் 
நாம் அனைவரும் 
பாரத தாயின் பிள்ளைகள் 
என இதயத்தில் முழக்கமிடும் 
*குடியரசு தினம்!*

தேசிய தலைநகரில் 
ராஜ்பாத்தில், 
குடியரசுத் தலைவர் உரையும் 
குடியரசு தின அணிவகுப்பும் 
இந்திய கலாச்சாரம்  /சமூக
பாரம்பரியத்தை வெளிப்படுத்தும் 
 *குடியரசு தினம்!*

நீதி/சமத்துவம்/சுதந்திரம்  சகோதரத்துவத்தை உறுதி செய்து மக்களின் உரிமைகளோடு 
கடமைகளை நினைவூட்டும் 
அரசியல் சாசனமான 
*குடியரசு தினம்!*

மக்களுக்காக 
மக்களுடைய 
மக்கள் அரசு என 
அமெரிக்க ஐக்கிய நாடுகளின் முன்னாள் ஜனாதிபதி 
ஆபிரகாம் லிங்கன் 
குடியரசு என்பதன் இலக்கணத்தை வகுத்து தந்த *குடியரசு தினம்!*

பாரதப் பிரதமரின் 
*ஜன் பாகிதாரி*  எனும் கருப்பொருளை பிரதிபலிக்கும் 
74 ஆவது *குடியரசு தினம்!*  

சிறந்த சேவை புரிந்தவருக்கு, 
வீர தீர சாகசம் செய்தவர்களுக்கு, விருது/பாராட்டு/பதக்கம் வழங்கி கௌரவிக்கும் *குடியரசு தினம்!*

அடிமைப்பட்டுக் கிடந்த தாய் நாட்டை தன்னுயிர் துச்சமென எண்ணி போராடி/சுதந்திரத்தை பெற்று தந்த தலைவர்களை/தியாகிகளை 
நினைவு கூர்ந்து மரியாதை செய்யும் *குடியரசு தினம்!*

ஒரே நாடு 
ஒரே பார்வை 
ஒரே அடையாளம் 
ஒரே கொடி 
நமது இந்தியா 
என நினைவிலேந்தும்
*குடியரசு தினம்!*

இறையாண்மை கொண்ட 
ஜனநாயக நாடாக 
பாரத அரசு பிரகடனப்படுத்திக் கொள்ளும் *குடியரசு தினம்!*

எகிப்து அரபு குடியரசின் அதிபர் 
அப்துல் ஃபத்தா அல் சிசி
சிறப்பு விருந்தினராக 
இந்திய குடியரசு தினத்தில் 
கலந்து கொண்டு 
தூதரக உறவினை பேணும் 
சிறப்பு மிகு *குடியரசு தினம்!*

ராணுவ அணி வகுப்பை பார்த்து தேசமே பெருமை கொண்டு தேசப்பற்றினை வளர்த்து,
மாவட்ட ஆட்சியர்கள் பறக்க விடும் மூவர்ண கொடியால் 
தேசத்தை உற்று நோக்க வைக்கும்
*குடியரசு தினம்!*

அரசர்களைக் கொண்டது முடியரசு மக்களால் உண்டானது குடியரசு 
என அன்று முதல் இன்று வரை நம்மோடு/நம் உணர்வோடு 
முடிவை எட்டா தீப ஒளியாய் வேற்றுமையில் ஒற்றுமையை வலுவாக்கும் *குடியரசு தினம்!*

அனைவரும் சமம் என்ற அரசியலமைப்பின் அடித்தளமாகி இடைவெளி இல்லா காற்றாக 
பாரதமெங்கும் 
சமத்துவத்தின் சான்றாகி
 காலம் காட்டும் கடிகாரமாக அனைவருக்கும் ஒரே சட்டம் 
என உணர்த்தும் *குடியரசு தினம்!*

 மாநிலங்களில் கவர்னரும் மாவட்டங்களில் ஆட்சியரும்
கம்பத்தில் உச்சியில் உள்ள 
கொடியை அவிழ்த்து 
பறக்க விடும் *குடியரசு தினம்!*

ராணுவ வலிமை 
கலாச்சார பன்முகத் தன்மை நிகழ்வோடு
 நாட்டின் வளத்தை 
குடியரசு தலைவர் 
ரேடியோ மற்றும் தொலைக்காட்சியில் உரையாற்றும் *குடியரசு தினம்!* 

சுதந்திரம் காப்போம் 
சுதந்திரப் பிரஜையாய் 
பெருமிதம் கொள்வோம்!

முனைவர் பெ. தமிழ்ச்செல்வி வாலாஜாபேட்டை .