நேசித்த இதயங்கள் ... 026

நேசித்த இளசுகள்....

கல்வி கற்கும் இடத்தில் காதலர்கள்

படிக்கச் சென்றவர்
மடியில் உறக்கம்

காகிதம் தேவையில்லை
கண்ணில் குறிப்பெடு

பாவையின்  பூவை
நேசித்த ஆண்மகன்

விடலை வீரத்தை
கண்டுகளித்த பெண் மகள்

பேருந்து நிலையத்தில்
கடலை  அமோகம்

பார்வையாளரை காதல்
விமர்சகராக
மாற்றுகிறது

தேனீர் கடையில் 
சந்திப்பு நிகழ்ச்சி

தேன்மிட்டாய்
பேச்சில் உற்சாகம்
கரைபுரளும்

கடற்கரையில் துணையோடு தூண்களாய் அமர்ந்திருப்பர்

திரையுலகை மிஞ்சும்
உண்மை பாத்திரங்கள்

இனம் புரிய அன்பில்
காதல் தேர்வெழுதினர்

வாழ்க்கை பாடத்தில்
குடும்பம் வெளிநடப்பு

சந்தர்ப்பம் சரியில்லை
இருவர் காணவில்லை

அடைக்கலம் தேடியவர்
அவசர திருமணம்

 காதல் கற்கண்டு
கல்யாண பாகற்காய்

இனிப்பும் கசப்பும்
நேயரின் விருப்பமே...

படைப்பாக்கம்
கவிஞர்.ச.குமார்
சிவகங்கை.