சுதந்திர காற்றை சுவாசிப்போம்...18

சுதந்திர காற்றை சுவாசிப்போம்...

தன்னுயிரை தாய்மண்ணுக்கென தந்து விட்டு
 தலைநிமிர்ந்த உள்ளங்களின் தலைநகரம் - எனது பாரதம்.....
சாதி சமயங்களில் சங்கமித்த போதும் 
வேற்றுமையிலோர் பெருமைமிகு ஒற்றுமை - எனது பாரதம்.....
இமயத்தின் உச்சிமுகர்ந்து குமரியின் கோடிகாண
 இயற்கையின் ஈடில்லா நன்கொடை - எனது பாரதம்
வலிய ஆன்றோரும் சான்றோரும் அள்ளித்தந்த 
அரிய எழுத்துக்களின் அழகியநூலகம் - எனது பாரதம்....
பார்போற்றும் நல் பழம்பெரும் பாரதம்
விண்தாண்டிய ஓர் புதுயுகமும்  எனது - பாரதம்....
 தொல்லைகளது துரத்தி வந்தாலும் - எல்லைகளது 
யவரும் மீறாது காத்திடும் - எனது பாரதம்.... 
ஆறறிவின் அர்த்தங்கள் அனைவரும் உணர்ந்திட
 அனுபவங்களின் ஆகச்சிறந்த பாடங்களும் புரிந்திட  
ஓயாது உழைத்திடும் அற்புதம் - எனது பாரதம் 
அளவில்லா கலைகளது அமுதமென சுரந்திடும் 
அட்சயப் பாத்திரமும் - எனது பாரதம்.....
இதோ ! சுதந்திர காற்றை சுவாசிப்போம் வா
உச்சி முகந்து அழைக்கிறது - எனது பாரதம்......
                                                                                         சு.சுஷ்மிதா,

பாப்பிரெட்டிபட்டி.