ராமர் கோயில் கட்டும் பணிக்கான பூமி பூஜை முழு விவரம்

0
122

ராமர் கோயில் கட்டும் பணிக்கான பூமி பூஜை இனிதே நிறைவுற்றது. இதில் பிரதமர் மோடி கலந்து கொண்டு சிறப்பித்தார்

பிரதமர் மோடி

உத்தரப்பிரதேச மாநிலம் அயோத்தியில் பிரம்மாண்ட ராமர் கோயில் கட்டும் பணிகள் தொடங்கப்படவுள்ளன. இதற்கான பூமி பூஜை மற்றும் அடிக்கல் நாட்டு விழா பிரதமர் மோடி தலைமையில் இன்று நடைபெற்றது.

ராமர் பிறந்த இடத்தை விட்டு அவரை வெளியேற்ற நடந்த முயற்சிகள் அனைத்தும் தோல்வியில் முடிந்தது. கடவுளையும் மனிதனை இணைக்கும் பாலமாக ராமர் கோயில் அமையும்.

“நரேந்திர மோடி ஆட்சிக் காலத்தில் நாட்டின் ஜனநாயகம் நிலைநாட்டப்பட்டுள்ளது. அதேவேளை இந்த ஆட்சியில்தான் நாட்டின் நீதித்துறை, எந்தவொரு விஷயமாக இருந்தாலும் அதை சமாதானமாக முடித்து வைக்கலாம் என உலகிற்கு தெரியப்படுத்தியுள்ளது” என உத்தரப் பிரதேச முதல் யோகி ஆதித்யநாத் மேடையில் பேசினார்.

“இந்தியா என்பது வாசுதேவ் குடும்பம் என நம்பப்படுகிறது. அதாவது எல்லோரும் ஒரே குடும்பத்தை சேர்ந்தவர்கள். புதிய இந்தியாவுக்கான தொடக்கமே இந்த ராமர் கோயில் அடிக்கல் விழா” என ஆர்எஸ்எஸ் மூத்த தலைவர் மோகன் பகாவாத் கூறியுள்ளார்.

ராமர் கோயில் கட்டுவது நீண்ட நாள் கணவு, இப்போதுதான் முடிவுக்கு வந்தது என அடிக்கல் நாட்டியப் பின் பிரதமர் மோடி கூறினார். மேலும், “ராமர் கோயில் கட்டுவதை உலகமே பார்க்கிறது. இந்த கோயிலை கட்ட வேண்டும் என்பது எனது வாழ்நாள் ஆசை, இப்போது நிறைவேறியுள்ளது. இந்த விழாவிற்கு என்னை அழைத்து கோயில் கட்டும் நிர்வாகம் என்னை பெருமைப்படுத்தியுள்ளது” என மோடி பேசினார்.

ராமர் கோயில் அடிக்கல் நாட்டு விழாவிற்கு குடியரசுத் தலைவர் ராம்நாத் கோவிந்த் தனது ட்விட்டர் பக்கத்தில் வாழ்த்து தெரிவித்துள்ளார். ராம ராஜ்யத்தின் கொள்கைகளை பின்பற்றி கட்டமைக்கப்படும் கோயில் நவீன இந்தியாவின் ஒரு அடையாளமாக இருக்கும் என்று நம்புவதாக குறிப்பிட்டுள்ளார்.

அயோத்தியில் ராமர் கோயில் கட்டுவதற்கு பிரதமர் மோடி அடிக்கல் நாட்டினார். அடுத்தடுத்தாக பிரதமர் மோடி உரையாற்றும் நிகழ்வு அரங்கேறப் போகிறது. இதற்காக அமைக்கப்பட்டுள்ள மேடையில் ஆர்.எஸ்.எஸ் தலைவர் மோகன் பகவத், உத்தரப்பிரதேச முதல்வர் யோகி ஆதித்யநாத், ஆளுநர் ஆனந்திபென் பட்டேல், ராமர் கோயில் அறக்கட்டளை தலைவர் நித்ய கோபால் தாஸ் ஆகியோர் அமரவுள்ளனர்.

கர்நாடக மாநிலம் பெங்களூருவில் உள்ள ராஜாஜி நகரில் அமைந்துள்ள ஸ்ரீராம கோயிலில் சிறப்பு பூஜைகள் நடத்தப்பட்டன. அயோத்தியில் ராமஜென்மபூமி நிகழ்வை ஒட்டி இத்தகைய ஏற்பாடு செய்யப்பட்டுள்ளது.

ராமர் கோயில் பூமி பூஜை செய்யும் குருக்கள் கூறுகையில், இங்கே 9 செங்கற்கள் வைக்கப்படுகின்றன. இவை 1989ஆம் ஆண்டு முதல் உலகின் பல்வேறு பகுதிகளில் இருந்து அனுப்பி வைக்கப்பட்டவை. மொத்தம் 2 லட்சத்து 75 ஆயிரம் செங்கற்கள் வந்த நிலையில், அதில் “ஜெய் ஸ்ரீராம்” என்று எழுதப்பட்ட 100 செங்கற்கள் மட்டும் பூஜைக்காக எடுக்கப்பட்டுள்ளன.

அயோத்தியில் ராமர் கோயில் அடிக்கல் நாட்டு விழாவை ஒட்டி, தமிழக பாஜக அலுவலகமான கமலாலயத்தில் ஸ்ரீராமருக்கு சிறப்பு பூஜைகள் செய்யப்பட்டன.

ராமர் கோயில் கட்டுவதற்கான பூமி பூஜை தொடங்கியது. பிரதமர் மோடி பங்கேற்றுள்ளார். அவருடன் உ.பி., ஆளுநர் ஆனந்திபென் பட்டேல், ஆர்.எஸ்.எஸ் தலைவர் மோகன் பகவத் ஆகியோரும் கலந்து கொண்டுள்ளனர். விருந்தினர்கள் அனைவரையும் பூஜையை ஆர்வத்துடன் பார்த்து வருகின்றனர். கோயில் கட்டுவதற்கான முதல் செங்கல்லை பிரதமர் எடுத்து வைக்க உள்ளார்.

ராம் லல்லா சிலைக்கு மாலை அணிவித்து பிரதமர் மோடி மரியாதை செய்தார். இதையடுத்து மரக்கன்றுகளை நட்டு வைக்கும் நிகழ்வில் கலந்து கொண்டார்.

ஹனுமன் கார்ஹி கோயிலில் தலைப்பாகை அணிவித்து, வெள்ளியிலான மகுடத்தை வைத்து பிரதமர் மோடிக்கு தலைமை குருக்கள் ஸ்ரீகட்டின்ஷீன் பிரேம்தாஸ் ஜி மகாராஜ் கவுரவம் செய்தார்.

பாரம்பரிய முறைப்படி ராமஜென்மபூமியில் உள்ள 10ஆம் நூற்றாண்டில் கட்டப்பட்ட ஹனுமன் கார்ஹி கோயிலில் பிரதமர் மோடி பூஜை செய்து வழிபட்டார். அவருடன் உத்தரப்பிரதேச மாநில முதலமைச்சர் யோகி ஆதித்யநாத் உடனிருந்தார்.

அயோத்தியில் ராமர் கோயில் கட்டுமான விழாவை மிகச்சிறப்பாக கொண்டாடி வருகிறோம். 400 ஆண்டுகால போராட்டம் மற்றும் பல்வேறு தியாகங்களின் விளைவாக நீதி கிடைத்துள்ளது. இதற்காக பிரதமருக்கு நன்றி தெரிவித்துக் கொள்கிறோம் – மகேந்திர சாபா, வாஷிங்டன் டி.சி விஷ்வ இந்து பரிஷத் தலைவர்

ராமர் கோயில் அடிக்கல் நாட்டு விழா மற்றும் பூமி பூஜைக்காக அயோத்தி வந்து சேர்ந்தார் பிரதமர் மோடி.

ஆர்.எஸ்.எஸ் தலைவர் மோகன் பகவத் ராமஜென்மபூமிக்கு வந்து சேர்ந்தார். அவரை உமாபாரதி, பாபா ராம்தேவ் உள்ளிட்ட தலைவர்கள் வரவேற்றனர். விழாவில் கலந்து கொண்ட அனைவரும் முகக்கவசம் அணிந்து காணப்பட்டனர்.

இந்தியாவின் மிகப்பெரிய வரலாற்று நிகழ்வு அயோத்தியில் நடந்து கொண்டிருக்கிறது. நம் நாட்டில் ராம ராஜ்யத்தை கட்டமைக்கும் முயற்சியாக பதஞ்சலி யோகபீடம் சார்பில் பிரம்மாண்ட குருகுலம் ஒன்று அயோத்தியில் அமைக்கப்படும். இதன்மூலம் உலக மக்கள் வேதங்கள், ஆயுர்வேதம் ஆகியவற்றை கற்றுக் கொள்ளலாம் – யோகா குரு பாபா ராம்தேவ்

ஒட்டுமொத்த உலகமும் இந்தியாவை உன்னிப்பாக கண்காணித்து வருகிறது. அனைத்து தரப்பினருக்கும் நல்லிணக்கம் பேணுதல் குறித்த தகவலை தெரிவிக்கும் வரலாற்றின் மகத்தான நாள் இன்று – சுவாமி அவ்தேஷானந்த் கிரி

யோகா குரு ராம்தேவ், சுவாமி அவ்தேஷானந்த் கிரி, சிதானந்த் மகாராஜ் உள்ளிட்டோர் ராமஜென்மபூமிக்கு வந்து சேர்ந்தனர்.

அமெரிக்காவின் தலைநகர் வாஷிங்டன் டி.சியில் உள்ள கேப்டன் ஹில் அருகே இந்தியர்கள் காவி கொடிகளுடன் கொண்டாட்டத்தில் ஈடுபட்டுள்ளனர். இவர்கள் அயோத்தியில் நடைபெறும் ராமர் கோயில் அடிக்கல் நாட்டு விழாவை வரவேற்று மகிழ்ச்சி தெரிவித்துள்ளனர்.

பிரதமர் மோடி வருகையை ஒட்டி அயோத்தியில் உள்ள ஹனுமன் கார்ஹி கோயிலில் கிருமி நாசினி தெளிக்கும் பணி நடைபெற்றது. மேலும் தீவிர பாதுகாப்பு ஏற்பாடுகள் செய்யப்பட்டுள்ளன.

கோவையைச் சேர்ந்த நுண்கலை ஆர்வலர் மாரியப்பன் ராமர் கோயில் அடிக்கல் நாட்டு விழாவை ஒட்டி 1.2 கிராம் தங்கத்தில் ஒரு இஞ்ச் உயரத்தில் ராமர் சிலையை உருவாக்கியுள்ளார். இதனை ராமர் கோயில் அறக்கட்டளைக்கு அனுப்பி வைக்கவுள்ளதாக தெரிவித்தார்.

அயோத்தியின் ராமஜென்மபூமியில் அமைந்துள்ள ராம் லல்லா சாமி சிலைக்கு பிரதமர் மோடி இன்று சிறப்பு பூஜைகள் செய்யவுள்ளார். இதையொட்டி அலங்கரிக்கப்பட்டு வெகுவிமர்சையாக காட்சி அளிக்கிறது.

அயோத்தியில் பிரதமர் மோடி அடிக்கல் நாட்டு விழா தொடங்கும் அதே சமயத்தில் சென்னையில் உள்ள பாஜக தலைமை அலுவலகமான கமலாலயத்திலும் ஸ்ரீராமருக்கு சிறப்பு பூஜைகள் நடைபெறுகின்றன.

முதலமைச்சர் யோகி ஆதித்யநாத், ஆளுநர் ஆனந்திபென் பட்டேல், பாஜக தேசிய துணைத் தலைவர் உமா பாரதி ஆகியோர் ராமஜென்மபூமிக்கு வந்து சேர்ந்தனர்.

ராமர் கோயில்: அடிக்கல் நாட்டும் முன் பார்க்க வேண்டிய ஐநூறு ஆண்டு கால வரலாறு!

ராமர் கோயில் அடிக்கல் நாட்டு விழாவில் பங்கேற்பதற்காக பிரதமர் மோடி அயோத்தி புறப்பட்டார். இன்று நண்பகல் 12.30 மணியளவில் பூமி பூஜை தொடங்கப்படும் என்று தெரிவிக்கப்பட்டுள்ளது. முன்னதாக ஹனுமன் கார்ஹி கோயில், ராம்லல்லா கோயில் ஆகியவற்றில் வழிபாடு நடத்திவிட்டு ராமஜென்மபூமிக்கு மோடி செல்கிறார்.

ராமர் கோயிலுக்கு பிரதமர் மோடி இன்று அடிக்கல் நாட்டுகிறார். 500 ஆண்டுகளுக்கு முன்னால் எழுந்த கோரிக்கைக்கு இன்று உயிரூட்டப்படுகிறது. பிரதமர் மோடியின் ஆற்றலும், செயல்பாடுகளும் அவரை இந்தியாவில் கடந்த 500 ஆண்டுகளில் இல்லாத மிக உயர்ந்த தலைவராக முன்னிறுத்தியுள்ளது – சிவராஜ் சிங் சவுகான், மத்தியப் பிரதேச முதலமைச்சர்

அயோத்திக்கு பிரதமர் மோடியின் வருகை மிகவும் பெருமைக்குரிய தருணம். அவருக்கு வெள்ளியிலான மகுடம், ஸ்ரீராமர் பெயர் பொறிக்கப்பட்ட கல் ஆகியவற்றை அளித்து கவுரப்படுத்த உள்ளோம் – ஸ்ரீ கட்டின்ஷீன் பிரேம்தாஸ் ஜி மகாராஜ், ஹனுமன் கார்ஹியின் தலைமை குருக்கள்

மகாராஷ்டிர மாநிலம் நாக்பூரில் ராஷ்டிரிய ஸ்வயம்சேவக் சங்க அலுவலகத்தின் முன்புறம் ரங்கோலி வரைந்து ராமர் கோயில் அடிக்கல் நாட்டு விழாவை உற்சாகமாக கொண்டாடி வருகின்றனர்.

அயோத்தியில் ராமர் கோவில் அடிக்கல் நாட்டும் விழாவில் கலந்துகொண்ட பிரதமர் மோடிக்கு ஸ்ரீராமர் சிலையை உத்தரப்பிரதேச முதல்வர் யோகி ஆதித்யந்த் வழங்கினார்.

LEAVE A REPLY

Please enter your comment!
Please enter your name here