பின்னணி பாடகர் எஸ்.பி.பாலசுப்பிரமணியம் மறைவுக்கு பல்வேறு தலைவர்கள் இரங்கல்…

0
57

பின்னணி பாடகர் எஸ்.பி.பாலசுப்பிரமணியம் மறைவுக்கு பல்வேறு தலைவர்கள் இரங்கல்

பிரதமர் நரேந்திர மோடி தனது ட்விட்டர் பக்கத்தில்,

ஸ்ரீ எஸ்.பி.பாலசுப்பிரமணியத்தின் துரதிர்ஷ்டவசமான மறைவினால் இந்த இசை உலகமும், கலாச்சார உலகமும் ஏழையாகிவிட்டது. பல ஆண்டுகளாக அனைத்து வீடுகளிலும் ஒலித்துவந்த குரல் ஓய்ந்துவிட்டது. அவரது குடும்பத்தினருக்கும், ரசிகர்களுக்கும் ஆழ்ந்த இரங்கல்கள்.ஓம் சாந்தி’ எனப் பதிவிட்டுள்ளார்.

With the unfortunate demise of Shri SP Balasubrahmanyam, our cultural world is a lot poorer. A household name across India, his melodious voice and music enthralled audiences for decades. In this hour of grief, my thoughts are with his family and admirers. Om Shanti.

ஜனாதிபதி அவர்களின் இரங்கல்… இந்திய இசை அதன் குரல்களில் ஒன்றை இழந்துவிட்டது: குடியரசுத் தலைவர் ராம்நாத் கோவிந்த் இரங்கல்

டெல்லி: பின்னணி பாடகர் எஸ்.பி.பாலசுப்பிரமணியம் மறைவுக்கு குடியரசுத் தலைவர் ராம்நாத் கோவிந்த் இரங்கல் தெரிவித்துள்ளார். இந்திய இசை அதன் குரல்களில் ஒன்றை இழந்துவிட்டது என கூறினார்.

முதல்வர் எடப்பாடி பழனிசாமி இரங்கல்

பின்னணி பாடகர் எஸ்.பி.பாலசுப்பிரமணியம் மறைவுக்கு முதல்வர் எடப்பாடி பழனிசாமி இரங்கல் தெரிவித்துள்ளார். தனது ஈடு இணையற்ற குரல் வல்லமையால் தமிழ் திரைப்பட உலகுக்கும் குறிப்பாக தமிழ்நாட்டுக்கும் பெருமை சேர்த்தவர் எஸ்.பி.பி. எஸ்.பி.பி.யின் மறைவு திரைத்துறைக்கு, கலை உலகிற்கும், தனக்கும் ஈடு  முடியாத பேரிழப்பாகும் என கூறினார்.

தனது இனிமையான குரலால் அனைவரின் மனங்களில் நிரந்தரமாக குடியிருப்பார் எஸ்.பி.பி.: உள்துறை அமைச்சர் அமித்ஷா இரங்கல்

டெல்லி: எஸ்.பி.பி. மறைவுக்கு மத்திய உள்துறை அமைச்சர் அமித்ஷா இரங்கல் செய்தி தெரிவித்துள்ளார். தனது இனிமையான குரலால் அனைவரின் மனங்களில் நிரந்தரமாக குடியிருப்பார் எஸ்.பி.பி. எனவும் அவர் குறிப்பிட்டுள்ளார். இதேபோல் எஸ்.பி.பி.யின் மறைவு இசை உலகின் கருப்பு நாள் என்று நடிகையும் எம்.பி.யுமான சுமலதா இரங்கல் தெரிவித்துள்ளார்.

பின்னணி பாடகர் எஸ்.பி.பாலசுப்பிரமணியம் மறைவுக்கு காங்கிரஸ் முன்னாள் தலைவர் ராகுல் காந்தி இரங்கல்

டெல்லி: பின்னணி பாடகர் எஸ்.பி.பாலசுப்பிரமணியம் மறைவுக்கு காங்கிரஸ் முன்னாள் தலைவர் ராகுல் காந்தி இரங்கல் தெரிவித்துள்ளார். எஸ்.பி.பி.யின் பல்வேறு பாடல்கள் பல்வேறு மொழிகளிலும் லட்சக்கணக்கான இட்சக்கணக்கான இதயங்களை தொட்டது. எஸ்.பி.யை. இழந்து வாடும் குடும்பத்தினருக்கு ஆழ்ந்த இரங்கல் என கூறினார்.

எஸ்.பி.பி. மறைந்தாலும் கானக்குரல் கொண்டு அவர் பாடிய பாடல்கள் என்றென்றும் மறையாது ஒலிக்கும்: ஓ.பன்னீர்செல்வம்

பின்னணி பாடகர் எஸ்.பி.பாலசுப்பிரமணியன் மறைவுக்கு துணை முதல்வர் ஓ.பன்னீர்செல்வம் இரங்கல் தெரிவித்துள்ளார். எஸ்.பி.பியை இழந்து தவிக்கும் அவரது குடும்பத்தினர் இத்துயரை தாங்கிக்கொள்ளும் மனவலிமை பெற வேண்டுகிறேன். தேமதுரக் குரல் கொண்டு இவ்வையகத்தை மகிழ்வித்த பாடகர் மறைந்தார் என்ற செய்தி அறிந்து மிகவும் துயர் அடைந்தேன். எஸ்.பி.பி. மறைந்தாலும் கானக்குரல் கொண்டு அவர் பாடிய பாடல்கள் என்றென்றும் மறையாது ஒலிக்கும் என கூறினார்.

எஸ்.பி. பாலசுப்ரமணியம் பாடல்களால் என்றென்றும் உயர்ந்திருப்பார்: திமுக தலைவர் மு.க. ஸ்டாலின் இரங்கல்

எஸ்.பி. பாலசுப்ரமணியம் பாடல்களால் என்றென்றும் உயர்ந்திருப்பார் என்ற திமுக தலைவர் மு.க. ஸ்டாலின் இரங்கல் தெரிவித்துள்ளார். எஸ்.பி. பாலசுப்ரமணியம் நம்மை விட்டு பிரிந்துவிட்டார் என்பதை மனம் ஏற்க மாறுகிறது எனவும் ஸ்டாலின் குறிப்பிட்டுள்ளார்.

பல மொழிகளில் பாடி இசைக்கு மொழி கிடையாது என்று நிரூபித்தவர் எஸ்.பி.பி.: விஜயகாந்த் இரங்கல்

சென்னை: எஸ்.பி.பி. மறைவு தன்னை வேதனையில் ஆழ்த்தி உள்ளதாக விஜயகாந்த் இரங்கல் தெரிவித்துள்ளார். மேலும் பல மொழிகளில் பாடி இசைக்கு மொழி கிடையாது என்று நிரூபித்தவர் எஸ்.பி.பி. எனவும், தலைமுறைகளை கடந்து அனைத்து நடிகர்களுக்கும் பாடிய தலைசிறந்த பாடகர் எஸ்.பி.பி. எனவும் விஜயகாந்த் குறிப்பிட்டுள்ளார். திரைத்துறைக்கு மட்டுமில்லாத அனைவருக்கும் எஸ்.பி.பி. மறைவு சோகத்தை ஏற்படுத்தி உள்ளது என்றும் அவர் தெரிவித்துள்ளார்.

‘மறைந்தது பாடும் நிலா’ எஸ்.பி.பி. மறைவுக்கு திமுக எம்.பி. கனிமொழி இரங்கல்

சென்னை: பல்வேறு மொழிகளில் பல்வேறு உணர்வுகளை வெளிப்படுத்திய குரல், இன்று அமைதியாகிவிட்டது என்று எஸ்.பி.பி. மறைவுக்கு திமுக எம்.பி. கனிமொழி இரங்கல் தெரிவித்துள்ளார். ‘மறைந்தது பாடும் நிலா’ 50 ஆண்டுகளுக்கு மேலாக பல்வேறு உணர்வுகளை வெளிப்படுத்திய குரல் நிரப்பமுடியாத அமைதியாகிவிட்டது என்று அவர் தெரிவித்துள்ளார்.

ஏழு தலைமுறைக்கும் அவர் புகழ் வாழும் – எஸ்பிபிக்கு நடிகர் கமல்ஹாசன் இரங்கல்

ஏழு தலைமுறைக்கும் அவர் புகழ் வாழும் என எஸ்பிபிக்கு நடிகர் கமல்ஹாசன் இரங்கல் தெரிவித்துள்ளார்

கொரோனாவால் பாதிக்கப்பட்டு கடந்த ஆகஸ்ட் 5-ஆம் தேதி சென்னையில் உள்ள தனியார் மருத்துவமனையில் பாடகர் எஸ்.பி.பாலசுப்ரமணியம் அனுமதிக்கப்பட்டார். அதைத்தொடர்ந்து சமூக வலைதளத்தில் வீடியோ வெளியிட்ட எஸ்.பி.பி. தான் நலமுடன் இருப்பதாகவும், லேசான அறிகுறி ஏற்பட்டதால் சிகிச்சை பெற மருத்துவமனையில் சேர்ந்ததாகவும் தெரிவித்திருந்தார். இந்நிலையில் 50 நாட்களுக்கு மேலாக சிகிச்சை பெற்று வந்த எஸ்பிபி இன்று மதியம் 1.04 மணிக்கு காலமானார். அவருக்கு பலரும் இரங்கல் தெரிவித்து வருகின்றனர்.

எஸ்பிபியின் மறைவுக்கு இரங்கல் தெரிவித்துள்ள அவரது நண்பரும், நடிகருமான கமல்ஹாசன், அன்னைய்யா S.P.B அவர்களின் குரலின் நிழல் பதிப்பாக பல காலம் வாழ்ந்தது எனக்கு வாய்த்த பேறு. ஏழு தலைமுறைக்கும் அவர் புகழ் வாழும் என குறிப்பிட்டுள்ளார். அது தொடர்பாக அவர் வீடியோ ஒன்றையும் ட்விட்டரில் பதிவிட்டுள்ளார்.

அன்னைய்யா S.P.B அவர்களின் குரலின் நிழல் பதிப்பாக பல காலம் வாழ்ந்தது எனக்கு வாய்த்த பேறு.

ஏழு தலைமுறைக்கும் அவர் புகழ் வாழும்.

எஸ்.பி. பாலசுப்ரமணியம் மறைவு

இசை உலகிற்கு பேரிழப்பு!

மார்க்சிஸ்ட் கம்யூனிஸ்ட் கட்சி இரங்கல்

மக்கள் மனங்கவர்ந்த பாடகர் எஸ்.பி.பாலசுப்ரமணியம் அவர்களின் மறைவுக்கு மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு அஞ்சலி செலுத்துவதுடன், ஆழ்ந்த இரங்கலையும் தெரிவித்துக் கொள்கிறது.

பிரபல பின்னணி பாடகர் எஸ்.பி.பாலசுப்ரமணியம் தமிழ், மலையாளம், தெலுங்கு, கன்னடம், வங்காளி, இந்தி உட்பட பல்வேறு மொழிகளில் 40 ஆயிரத்திற்கும் மேற்பட்ட பாடல்களை பாடி ரசிகர்களின் மனங்கவர்ந்தவர். 20 வயதில் பாடத் துவங்கி 55 ஆண்டுகளாக பல்வேறு இசையமைப்பாளர்களின் இசையில் பாடி மக்கள் மனங்களில் நிறைந்துள்ளார்.

புகழ்பெற்ற இசையமைப்பாளரான கே.வி.மகாதேவனால் அறிமுகப்படுத்தப்பட்டு எம்.எஸ்.விஸ்வநாதன், இளையராஜா, ஏ.ஆர்.ரகுமான் தொடர்ந்து இன்றைய இளம் இசையமைப்பாளர்களின் இசையிலும் தனது இனிய குரலை பதிவு செய்துள்ளார். அவர் கர்னாடக இசையை முறையாக படிக்கவில்லை என்று கூறியிருந்தாலும், சங்கராபரணம் உள்ளிட்ட பல்வேறு படங்களில் தனது இசைத்திறனை அசாத்தியமாக வெளிப்படுத்தியிருப்பார்.

துடிக்கும் கரங்கள் என்ற படத்தின் மூலம் இசையமைப்பாளராகவும் அவதாரமெடுத்தவர், ஒருசில படங்களுடன் இசையமைப்பதை நிறுத்திக் கொண்டது ரசிகர்களுக்கு வருத்தமே. அவர் தமிழில் கேளடி கண்மணி, காதலன், பிரியமானவளே, திருடா திருடா, ரட்சகன் உள்ளிட்ட படங்களிலும், சில படங்களிலும் தனது நடிப்பு திறமையை வெளிப்படுத்தியுள்ளார். அவரது திரையுலக பயணத்தில் சிறந்த பின்னணி பாடகருக்கான தேசிய விருது உட்பட பல்வேறு விருதுகளைப் பெற்றுள்ளார். அகன்ற திரையில் மட்டுமல்லாது, சின்னத்திரையிலும் பாடி மக்கள் மனங்களை கவர்ந்துள்ளார்.

அவரது மறைவு தமிழ் திரையுலகிற்கு மட்டுமல்ல, இந்தியா முழுவதும் உள்ள இசைப் பிரியர்கள் அனைவருக்குமே பேரிழப்பாகும். அவரது மறைவிற்கு மார்க்சிஸ்ட் கம்யூனிஸ்ட் கட்சி ஆழ்ந்த இரங்கலைத் தெரிவித்துக் கொள்கிறது.

அவரது மறைவால் வாடும் அவரது துணைவியார் சாவித்ரி, மகன் பாடகர் எஸ்.பி.சரண் உள்ளிட்ட குடும்பத்தினருக்கு மார்க்சிஸ்ட் கம்யூனிஸ்ட் கட்சி தனது ஆறுதலை தெரிவித்துக் கொள்கிறது.(கே. பாலகிருஷ்ணன்) மாநிலச் செயலாளர்.

எஸ்.பி.பி. பாட்டுக்கும், குரலுக்கும் ரசிகர்கள் இல்லாதவர்கள் இந்தியாவிலேயே இல்லை: நடிகர் ரஜினிகாந்த்

எஸ்.பி.பி.யின் பாடலையும், குரலையும் விட அவரது மனித நேயத்தை அனைவரும் நேசித்தார்கள் என்று மறைந்த இந்திய பின்னணி பாடகர் எஸ்.பி.பி-க்கு நடிகர் ரஜினிகாந்த் இரங்கல் தெரிவித்துள்ளார். இந்திய திரையுலகம் எத்தனையோ மிகப்பெரிய பாடகர்களை உருவாகியுள்ளது, எத்தனையோ பாடகர்களுக்கு இல்லாத சிறப்பு எஸ்.பி.பி-க்கு உள்ளது, அவருடைய பாட்டுக்கும், குரலுக்கும் ரசிகர்கள் இல்லாதவர்கள் இந்தியாவிலேயே இல்லை என்று புகழாரம் சூட்டியுள்ளார்.

திருவனந்தபுரம்: பாடகர் எஸ்.பி. பாலசுப்ரமணியம் மறைவு இசை உலகிற்கு உண்மையான இழப்பு என்று நடிகர் மோகன்லால் இரங்கல் தெரிவித்துள்ளார். எஸ்.பி.பி. மறைவுக்கு இரங்கல் தெரிவித்து மலையாள நடிகர் மோகன்லால் ட்வீட் செய்துள்ளார். இதேபோல் எஸ்.பி.பி. மறைவால் இசை உலகில் ஏற்பட்ட மிகப்பெரிய வெற்றிடத்தை யாராலும் நிரப்ப முடியாது என்று நிதின் கட்கரி தெரிவித்துள்ளார்.

LEAVE A REPLY

Please enter your comment!
Please enter your name here