டிக்டாக் செயலிக்கும் சீன அரசுக்கும் தொடர்பில்லை என அந்த நிறுவனத்தின் தலைமைச் செயல் அதிகாரி கெவின் மேயர் தெரிவித்துள்ளார். இது தொடர்பாக, இந்திய அரசுக்கு அவர் எழுதியுள்ள கடிதத்தில், சீன அரசாங்கத்துடன் தாங்கள் எப்போதும் விலகியே உள்ளதாக தெரிவித்துள்ளார். டிக் டாக் தகவல்களை சீனா கேட்டதில்லை என்றும், அங்கு தாங்கள் சேவைகளை அளிக்கவில்லை என்றும் குறிப்பிட்டுள்ளார். இந்திய பயனாளிகளின் தகவல்கள் சிங்கப்பூரில் உள்ள சர்வர்களின் சேமிக்கப்படுவதாகவும் தெரிவித்துள்ளார். இதற்கிடையே கெவின் மேயர் தங்களது இந்திய ஊழியர்களுக்கு எழுதியுள்ள கடிதத்தில், டிஜிட்டல் இந்தியாவின் முக்கிய செயல்பாடுகளில் பங்கெடுத்துள்ளோம் என்றும், நாடு முழுவதும் பல திறமைகளை வெளிக்கொண்டு வந்துள்ளதாகவும் குறிப்பிட்டுள்ளார்.
